Kurkuma se zbog svoje intenzivne boje često koristi za pripremanje jela, ali zbog svojih blagotvornih dejstava dobar je saveznik i za ljepotu kože. Aktivno jedinjenje u kurkumi se naziva kurkumin i predstavlja žuti pigment koji je pun antibakterijskih i antiinflamatornih svojstava. Kada se nanese na kožu, bori se protiv bakterija i tako sprječava akne i crvenilo.
Maska od kurkume i limuna
- 1 kašičica kurkume
- 2 kašičice svježe iscijeđenog limunovog soka
Sastojke sastavite i miješajte sve dok masa ne postane glatka. Nanesite je na čisto lice i pustite da stoji 15-20 minuta. Potom lice isperite toplom vodom i osušite laganim tapkanjem peškirom. Limun ima moćne adstringentne osobine, a kurkuma djeluje na sprječavanje pojave viška ulja i nastajanje novih akni.
Maska kurkume i aloe vera gela
- 1 kašičica kurkume
- 1 kašika aloe vera gela
Pomiješajte gel i kurkumu i dodajte malo vode. Takođe, smjesa treba da postane glatka. Nanesite je na čisto lice i vrat i ostavite 20 minuta. Potom isperite lice i posušite blagim tapkanjem.
Maska od kurkume i mlijeka
- 1 kašičica kurkume
- malo mlijeka
Potrebna je 1 kašičica kurkume i onoliko mlijeka koliko je potrebno da se napravi glatka smjesa koju ćete u debljem sloju nanijeti na lice, te nakon 15 minuta isprati i lice namazati laganijom kremom.
