Fudbaleri Juventusa ostvarili su najubjedljiviju pobjedu ove sezone savladavši Empoli rezultatom 4:0.
Prethodno su završavali mečeve ili porazom ili uz minimalan rezultat za pobjedu. Ovoga puta, Kin je na asistenciju Filipa Kostića već u osmom minutu donio prednost Juventusu.
Do kraja poluvremena Juventus je igrao veoma loše i Empoli je preuzeo dominaciju. Ali, na počeku drugog poluvremena, Juve kreće intenzivnije. To im se isplatilo preko Vestona Mekenija koji postiže gol u 56. minutu meča.
Još jednom je bio precizan Kin, ali je gol u 66. minutu poništen zbog ofsajda. Dušan Vlahović koji nije blistao večeras napustio je igru u 65. minutu, a umjesto njega na teren je izašao Milik.
Zablistao je još jedan "otpisan" igrač Juventusa koji je ovo ljeto bio na izlaznim vratima kluba. Riječ je o Rabiou koji prvo postiže u 82. minutu za 3:0, a onda i zaključuje meč pogotkom minut prije sudijskog zvužduka.
(Foto: Tanjug-AP/Fabio Ferrari)
