Nekadašnji kapiten Engleske i Čelsija, Geri Kejhil, sa 36 godina otišao je u fudbalsku penziju.
Ovaj stameni štoper, nastupao je još i za Aston Vilu, Barnli, Šefild junajted, Bolton, Kristal Palas i Bornmut, koji mu je bio posljednji klub u karijeri.
Upisao je 61 nastup za englesku reprezentaciju. Od ljeta je bez kluba te je na Instagramu uz poruku objavio da završava igračku karijeru.
Bio je kapiten Čelzija i reprezentacije Engleske, a osvojio je i Ligu šampiona.
"Stekao sam fantastična prijateljstva s ljudima širom svijeta, od saigrača, menadžera i neopjevanih heroja iza scene. Želim vam reći veliko hvala. Nije lako donijeti odluku o prestanku igranja. Proveo sam 20 godina svakodnevno trenirajući, ulažući u rad kako bih bio u najboljoj mogućoj formi za utakmicu i kako bih pomogao timovima za koje sam igrao", poručio je Kejhil.
(Foto: Instagram)
