Golden stejt voriorsi savladali su Los Anđeles Kliperse 121:104 na startu plej-ofa NBA lige.
Prvo ime susreta bio je nevjerojatni Stef Kari koji je za 39 minuta na parketu ubacio 38 poena uz 15 skokova i sedam asistencija. Kari je iz igre šutirao 11/16, a pogodio je čak osam od 12 trojki. Durent je dao 23, a Drejmond Grin 17 poena.
Sa ovih osam trojki Kari je prestigao Rej Alena i sada je najbolji trojkaš u istoriji plej-ofa. Kari je dao 386 trojki, jednu više od Alena i 16 više od Lebrona Džejmsa na trećem mjestu.
Velikom Rej Alenu za rekord je trebala čak 171 utakmica, a teško je shvatljivo da ga je Kari prestigao u tačno 80 utakmica manje.
