Troje ljudi teško je povrijeđeno u lančanom sudaru u Sloveniji.
"82-godišnji vozač putničkog automobila Opel kretao se regionalnim putem iz smjera Župelevca prema Brežicama, te je u blizini naselja Bukošek počeo preticati automobil Renault u kojem se nalazio 71- godišnji vozač. Upravo u to vrijeme iz suprotnog smjera naišla je 77-godišnja vozačica automobila marke Seat", saopštili su iz Policijske uprave Novo Mesto.
Frontalno su se sudarili 82-godišnjak i 77-godišnjakinja, prenosi "24sata.hr".
Oboje su teško povrijeđeni i nalaze se u životnoj opasnosti, a teško je povrijeđena i 76-godišnja putnica u vozilu 77-godišnje vozačice.
Vozač Renaulta i njegova suputnica nisu povrijeđeni.
Policija još utvrđuje sve okolnosti nesreće.
