Kako kaže neimenovani izvor srpskih medija, pretpostavka je da je riječ o vidu pritiska zbog neuvođenja sankcija Rusiji.

Sve je počelo nakon početka agresije Rusije na Ukrajinu mejlovima o lažnim bombama u avionima Er Srbije od Beograda do Moskve.

Dojave o bombama potom su se pojavile i u tržnim centrima, zatim i školama.

U ponedjeljak je u 21 školi u Beogradu i nekoliko drugih gradova cirkularnim mejlom javljeno da je postavljena bomba, ali se ispostavilo da su sve dojave lažne.

U toku popodneva, dojavljeno je da su postavljene bombe i na mostovima u prijestonici i u tržnim centrima, ali se ispostavilo da su i one lažne, prenosi "Blic".

Dojave koje su poslate školama, poslate su mejlom sa propratnim tekstom u kojem je pisalo:

"Čudan osjećaj smirenosti kao da čekamo normalan dan, ista rutina kao i uvijek. Mrzimo sebe, ali želimo da povrijedimo svakoga ko nam se nađe na putu. Osjećaj da je sve oko sebe samo san nas ne napušta. Ne vidimo razloga da pišemo nešto drugo. Na kraju, možemo reći da nismo prvi i daleko od posljednjih. Ubijaće vas automobilima, bombama, noževima, svime što vam dođe pod ruku. Ološ poput nas unišiće sve oko sebe, jer je svijet truo, svi ste truli iznutra".