Tome doprinosi nedovoljno izlaganje kože suncu, kao i nedovoljna konzumacija namirnica bogatih ovim vitaminom. Vitamin D čini 7 vitamina koji se u koži sintetizuju pod uticajem sunca, a najviše ga ima u ribljem ulju, mlječnim proizvodima, mesu, pečurkama i žumancetu.

Ovaj vitamin ima važnu ulogu u održavanju koncentracije kalcijuma u našem tijelu, doprinosi jačanju kostiju i zdravlju zuba, kao i jačanju mišićnog tonusa.

Na manjak vitamina D u organizmu ukazuju sledeći simptomi:

Krhke kosti

Tijelo prestaje da gradi koštanu masu oko tridesete godine života, a manjak vitamina D ubrzava simptome osteoporoze. Osobe sa manjkom vitamina D u organizmu sklonije su prelomima kostiju od ljudi koji nemaju deficit tog vitamina. Uporedo sa svojim sposobnostima izgradnje kostiju, vitamin D utiče i na jačanje mišića. Jaki mišići spriječavaju padove, koji su kod starijih osoba često uzrok invalidnosti, čak i smrti.

Čest bol u kostima

Suptilan, ali stalno prisutan bol u kostima i zglobovima može biti posledica bolesti poput artritisa, osteomalacije ili fibromialgije. Međutim, uzrok tog neugodnog osjećaja može biti i nedostatak vitamina D.

Loše raspoloženje

Klinička depresija u većini slučajeva direktno je povezana i sa manjkom vitamina D. Iako nema jasnog dokaza za to, stručnjaci vjeruju da nedostatak vitamina D utiče na lučenje i količinu hormona serotonina, koji određuje raspoloženje.

Preterano znojenje

Preterano znojenje ima brojne uzroke, a jedan od njih je i manjak vitamina D u tijelu.

Slabost i umor

Osjećate li umor i slabost čak i nakon kvalitetnog osmočasovnog sna? Možda patite od manjka vitamina D. Za snagu tijela nije zaduženo samo gvožđe, već i ovaj vitamin. Dobra vijest je da se mišići brzo regenerišu i da konzumiranjem namirnica koje sadrže vitamin D možete poboljšati svoj mišićni tonus.