Tiramisu je savršen izbor za vrele ljetnje dane, jer ne samo da je jednostavan za pripremu, već nećete morati da uključujete rernu. A i svi ga vole, zar ne?

Ovaj kolač prati reputacija da ga je teško napraviti, ali nije tako. Ovaj jednostavan recept namijenjen je čak i onima koji nisu previše vješti u kuhinji. Ikao se u originalnu se pravi sa mascarpone sirom, možete koristiti i neki drugi.

Potrebno vam je: 500 grama mascarpone sira, 3 jaja, 400 grama piškota ili keksa, 3 šoljice kafe
6 kašičica smeđeg šećera, 1 vanilin šećer, 3 kašičice kakaa, 2 kašičice ruma ili konjaka.

Priprema:

Skuvajte kafu bez šećera i ostavite da se ohladi.

Slomite dva jajeta i odvojite žumanjke i bjelanjaka. Bjelanjke stavite u jednu činiju, a žumanjke u drugu. Bjelanjke umutite sa 3 kašičice šećera dok se ne stvori tvrd snijeg, a žumanke sa preostalim šećerom. U činiju sa žumanjcima dodajte mascarpone sir i rum i lagano promiješajte. Kada dobijete ujednačenu smjesu, dodate snijeg od bjelanjaka i šećera.

Piškote umočite u ohlađenu kafu i redajte ih u staklenu posudu u kojoj pravite kolač. Možete redati jednu po jednu piškotu, a možete ih i sve poredati na dno posude, pa preliti ohlađenom kafom. Preko toga prelijte kremom koji ste umutili. Ponovo redajte red piškoti, red krema i tako 3 puta. Posljednji sloj prekrijte kakaom.

Kolač ostavite u frižider da se ohladi. Najbolje bi bilo da odstoji cijelu noć, ali ako to nije opcija, onda ostavite da odstoji sat ili dva. Isjecite na kriške i poslužite!