Katalonci su savladali Napoli, a meč je obilovao lijepim potezima i golovima.

Već u drugoj minuti gosti su zaprijetili kada je Mertens pogodio stativu. Barselona se zatim oslobodila pritiska pa je Lengle nakon kornera bio najviši u skoku u 10. minuti i zatresao mrežu, iako su u Napoliju tražili prekršaj.

Leo Mesi je zatim napravio „slalom“ na terenu, nanizao nekoliko protivnika i pogodio za 2:0. Argentinac je ubrzo još jednom zatresao mrežu, ali se oglasio VAR sistem pa je gol poništen.

U finišu prvom dijela Mesi je izborio penal koji je Luis Suarez pretvorio u gol.

Međutim ubrzo su i gosti izborili penal i vratili nadu da mogu nešto napraviti.

Gol je postigao Insinje koji je tako ušao u istoriji kao prvi italijanski igrač koji je na gostovanjima u Ligi šampiona dao gol na Nou Kampu i Santjago Bernabeu.

Milik je u 81. minuti mogao da vrati neizvjesnost jer je pogodio mrežu. Međutim, njegov gol je opravdano poništen zbog nedozvoljene pozicije. Zatim je Lozano pogodio statiu i tu je bio kraj svih nadanja gostiju.

Bajern je veoma brz ugasio svaku nadu u čudo Čelsiju. Kabaljero je skrivio penal koji je Robert Levandovski pretvorio u 12. gol u Ligi šampiona. Odmah zatim Perišić je povisio na 2:0 i tu je bio kraj. Čelsi je smanjio na 2:1 i tako barem došao barem do počasnog gola.

U nastavku iako su imali siguran prolazak u Bajernu nisu popuštali pa su se u strijelce još upisali Toliso u 76.minuti i Robert Levandovski u 84.minuti. Bajern je tako ovogodišnji niz produžio na osam vezanih pobjeda.

Rezultati revanš mečeva

Bajern -Čelsi 4:1

Barselona -Napoli 3:1