Studentski centar je upisao i petu pobjedu u ABA 2 ligi. U Banjaluci je tim Nenada Trajkovića pobijedio Goricu 61-59.
Studenti su zadržali maksimalan učinak i poslije najtvrđe utakmice do sada.
I jedni i drugi su se mučili sa procentima šuta. Samo tri trojke iz 20 pokušaja pogodio je tim Nenada Trajkovića, ali je isto tako imao i 20 skokova više. Marko Tejić je ubacio 14 poena koliko je na drugoj strani dao Ivan Majcunić.
Čestitam mojim momcima na dobroj igri, utakmicu su dobili naši visoki igrači koji su uhvatili veliki broj loptu. Spustili smo protivnika na samo 59 poena što je velika stvar - rekao je Trajković.
Detalji su odlučili utakmicu. Imali smo dva napada bez šuta na koš, ostaje žal. Odigrali smo dobro s obzirom da smo mjesec i po bili u karantinu - izjavio je trener Gorice Josip Sesar.
