Žirafa po imenu Tviga koja je uginula tokom vikenda u zoološkom vrtu u istočnom Teksasu u 31. godini bila je među najstarijim žirafama o kojima se brinu ljudi.
Tviga je pronađena mrtva u subotu ujutro u zoološkom vrtu Elen Traut u Lufkinu, gradu udaljenom oko 273 kilometra jugoistočno od Dalasa, rekao je direktor zoološkog vrta Gordon Henli, prenosi Asošiejted pres.
Tviga bi 1. oktobra napunila 32 godine. Rođena je u zoološkom vrtu u Los Anđelesu. Zatim je otišla u zoološki vrt u Viskonsinu prije nego što je stigla u zoološki vrt Elen Traut u junu 2008.
Tviga je bila masajska žirafa, čiji je očekivani životni vijek, prema riječima direktora zoo vrta oko 25 do 26 godina.
Kako podsjeća AP, 2017. godine žirafa po imenu Ursula uginula je u 32. godini u zoološkom vrtu i botaničkoj bašti Oklahoma Sitija. Godine 2021. žirafa Mutangi uginula je u 31. godini u zoološkom vrtu Taronga Vestern Plains u Australiji.
