Muškarca iz Majamija ugrizla je ajkula dok je surfovao na plaži u mjestu Nju Smirna Bič na Floridi u nedjelju popodne, rekle su vlasti.
Ovo je drugi napad ajkule za nedjelju dana u okrugu Voluša, a četvrti od početka godine.
Svi su zabilježeni u gradu Nju Smirna Bič. Do napada je došlo u nedjelju oko 13:15 sati, potvrdili su nadležni.
Kako se navodi, stanovnik Majamija, koji ima oko 30 godina, surfovao je u vodi dubokoj do struka, kada ga je ugrizla ajkula od skoro dva metra.
"Surfer je rekao da je mislio da se ajkula hrani ribom mamcem kada ga je ugrizla", rekli su nadležni.
Njemu je na licu mjesta pružena pomoć zbog ugriza na lijevom stopalu, a onda se sam odvezao u bolnicu.
Stanovnik Dejtona biča je bio treća žrtva koju je napala ajkula u okrugu Voluša.
Podsjetimo, druga žrtva je bio muškarac (28) koji je surfovao u Nju Smirna Biču kada je pao sa daske i ugrizla ga je ajkula. Povrede su bile male, a njemu je pružena pomoć na licu mjesta. Prijatelj ga je nakon toga odvezao u bolnicu, rekle su tada vlasti, prenosi "Mondo.rs".
