Led je korisniji nego što možete da zamislite

U vremenima kada svi tražimo praktična i brza rješenja bez upotrebe jake hemije, upravo led postaje tajni sastojak domaće efikasnosti. Od zamrzivača do dnevne sobe, njegova primjena je iznenađujuće široka - a rezultati, jednostavno nevjerovatni.

Zanimljivosti

Šta je japanska tehnika ispijanja vode?

Led spašava tkanine i namještaj

Koliko puta vam se dogodilo da se žvaka zalijepi za tepih ili da kap voska pokvari prelijep stolnjak? Umjesto panike, posegnite za nekoliko kockica leda. Led učvršćuje problematične materije poput voska ili žvake, pa ih je kasnije lako skinuti bez ikakvog traga.

Sve što treba jeste da kockice stavite u plastičnu kesicu, prislonite ih na zaprljano mjesto i sačekate par minuta. Kada se materijal ohladi i stvrdne, lako ćete ga odstraniti tupim nožem. Ovaj trik d‌jeluje i na tkaninama, i na namještaju, i na tepisima - a što je najbolje, ne zahtijeva nikakvu hemikaliju.

Kockice koje mogu da zamijene peglu za veš

Ako ste od onih koji ne vole da peglaju, led će vam postati najbolji prijatelj. Ubacite par kockica leda u sušilicu zajedno s izgužvanom od‌jećom i uključite je na desetak minuta. Kako se led topi, stvara paru koja prirodno ravna tkaninu i uklanja nabore.

Ovaj trik posebno pomaže kada vam se žuri i nemate vremena za klasično peglanje. Pamučne i lanene košulje biće kao ispeglane, a od‌jeća će izaći iz sušilice osvježena i meka na dodir.

Osvježite kuhinju bez ijedne kapi hemije

Kuhinja je prostorija u kojoj se mirisi najbrže zadržavaju, ali led i ovde čini čudo. Ako iz odvoda dolazi neprijatan miris, ubacite nekoliko kockica leda pomiješanih s koricom limuna i pustite toplu vodu.

Kombinacija hladnoće i citrusa ukloniće naslage i neprijatne mirise. Led može pomoći i kod čišćenja zamrzivača - ako se nakupio sloj leda, stavite posudu s kockicama u ugao, i proces topljenja će ubrzati odmrzavanje bez grebanja i oštećenja.

Svježina u kuhinji nikada nije bila jednostavnija, prenosi "24Sedam".