Tri dana nakon smrti majke u njenoj ladici našao nešto što mu je promijenilo život

Listić za britansku loto igru bio je uredno složen u koverti na kojoj je rukom bilo ispisano: "Subotnje izvlačenje – ne zaboravi!".

En je godinama igrala lutriju, ali nikada nije imala značajniji dobitak. Lijam je listić pronašao u fioci kuhinje gdje je njegova majka čuvala sve prethodne tikete.

"Uvijek je govorila da će novac, ako ikada dobije, biti moj“, izjavio je Lijam.

"Iako nije dočekala da sazna da je zapravo dobila, za mene je ovo njen posljednji poklon", dodao je.

En je pogodila pet glavnih brojeva – 20, 27, 35, 39 i 48 – i time osvojila 18.403 funte (oko 20.000 evra). Propustila je samo dvije "srećne zvijezde“ – 03 i 08.

"Skoro sam i zanemario listić, ali nešto mi nije dalo mira. Skenirao sam ga pomoću aplikacije Nacionalne lutrije i pokazalo se da je dobitni – ali da moram da pozovem njihov servis", rekao je Lijam.

Kada je nazvao, ostao je bez riječi.

"Sam trenutak kada su mi rekli koliko vrijedi bio je kao iz sna. Nije djelovalo stvarno", priča Lijam dalje.

Novac planira da iskoristi kao kaparu za stan, što je, kako kaže, njegova majka oduvijek željela za njega.

Još jedan slučaj "posljednjeg poklona"

Slična situacija dogodila se 2022. godine kada je Endru Gilion (59), radnik kompanije Skotiš Voter iz Sjevernog Lankšira, preminuo prije nego što je saznao da je osvojio dio džekpota Poštanskog lutrijskog izvlačenja u iznosu od 7,9 miliona funti.

Endru je preminuo tokom operacije nakon što je pao niz stepenice na dočeku Nove godine. Nakon njegove smrti, u njegovoj kući pronađena je zlatna koverta koja je pokazala da mu pripada dobitak od 8.092 funte.

Njegova kćerka, Lisa Tomas (32), izjavila je da je to bio "posljednji poklon njenog oca“.

"Zamišljam ga kako mi uzbuđeno javlja vijest i predlaže da nas sve vodi na odmor. Iako ga nema da ovo podijelimo, osjećam kao da je tu", ispričala je ona tada, prenosi portal "Ona".