Vaso Bakočević poražen od Ražova, pa najavio kraj karijere

Bakočević je nakon pet pobjeda u toj kategoriji doživio prvi poraz na događaju FNC 21 održanom u Zadru, a nanio mu ga je Petar Ražov.

Na FNC 21 u Zadru, mladi Petar Ražov šokirao je borilačku scenu pobjedom nad iskusnim Vasom Bakočevićem u bare-knuckle meču. Dominirao je svih pet rundi i zasluženo odnio pobjedu sudijskom odlukom.

Nakon poraza, Bakočević je najavio kraj karijere.

"Htio sam reći za Truščeka ako pobijedim kako je izgledao staro i sporo, ali vratilo se meni. Rekao sam kad izgubim u bernaklu da završim priču. Nije problem dobiti batine, ali da glumim budalu… Nema više šanse. Hvala na svemu i „bon voyage“, izjavio je Bakočević nakon meča.