Košarkaši Makabija savladali su u Tel Avivu Himki rezultatom 92:62, u zaostalom meču 24. kola Evrolige.
Utakmica nije imala rezultatski značaj, pošto Makabi ne može u doigravanje, a Himki je ubjedljivo posljednji.
Najlošiji tim Evrolige nije imao nikakve šanse u Izraelu.
Makabi je imao +10 poslije prve četvrtine i čak +29 na poluvremenu, dok je Himki postigao samo 25 poena za 20 minuta košarke.
Poslije tri četvrtine bilo je +36 i samo je bilo pitanje da li će Makabi postići 100 poena i kolika će biti konačna razlika.
"Ponos Izraela" su do pobjede predvodili Vilbekin i Žižić sa po 13 i Bender sa 12 poena.
U ekipi Himkija istakli su se Miki sa 21 i Mekalum sa 17 poena.
