Košarkaši Španije savladali su selekciju Slovačke u kvalifikacijama za Еvropsko prvenstvo rezultatom 76:72, ali će način na koji su došli do pobjede još dugo biti predmet polemike jer je jasno da se dogodila velika greška.
Na 0,4 sekunde do isteka prvog produžetka na meču Španije i Slovenije odigrala se nezapamćena drama.
Slovačka je trebalo da uvede loptu u igru, ali Santijago Juste presjekao je pas i uputio šut ka košu. Trojka je poslije nevjerovatnog šuta ušla i bila je uvažena.
Pravo pitanje je kako je sve ovo uspjelo da stane u 0,4 sekunde, a odgovor je greška zapisničkog stola. Oni su kasnili sa puštanjem vremena i tako pomogli Špancima koji su imali vremena da upute šut.
Dicen que el tiempo es relativo.
— Teledeporte (@teledeporte) November 22, 2024
Pues para Yusta 4 décimas son 𝙡𝙖 𝙚𝙩𝙚𝙧𝙣𝙞𝙙𝙖𝙙
El triple de una remontada jamás vista. 6 puntos en 4 segundos.
España, a lograr lo imposible en la segunda prórroga. #Eurobasket2025 pic.twitter.com/qLvJTv1MBS
Poslije trojke izborili su novi produžetak, a potom i pobjedu o kojoj će se dugo pričati i to u negativnom kontekstu.
Bila je Slovačka blizu velike senzacije, naročito nakon što su uspjeli da vrate minus 13, ali dogodila se velika nepravda poslije koje sigurno ostaje gorak ukus.
Selekcija Serđa Skariola upisala je prvu pobjedu u kvalifikacijama koja im je bila gotovo neophodna jer već imaju dva poraza i treći bi ozbiljno doveo u pitanje plasman na Еvrobasket.
Najbolji u španskom timu bio je Justa sa 21 i poenom i deset skokova, dok se kod Slovaka istakao Brodzijanski sa identičnim učinkom.
